کوئٹہ۔ 05مئی (اے پی پی) تحریک انصاف کوئٹہ سٹی نا سینئر نائب صدر عالم خان کاکڑ پارینے کہ بنجائی حکومت نا گچین زرگزرانی پالیسی تا سوب آن کبینی نا کچ کم مننگ ءِ حکومت مالی مشکل آتیان پد ہم انشاء اللہ بروک آ مالی سال انا بجٹ اٹی الس ءِ ریلیف فراوان کیک۔ داہیت ءِ او چارشنبے نادے آ اوڑدہی کروک آ پی ٹی آئی نا کارندہ غاتا ڈل اتون گپ وتران کننگ آن پد ”اے پی پی“ تون ہیت وگپ کرسا پارے کہ بنجائی حکومت نا گچین زرگزرانی پالیسی، ڈالر، پیٹرولیم مصنوعات و ایل پی جی نا نہاد اٹی کمتی آن کبینی نا کچ کم مننگ ءِ۔ اوپارے کہ بنجائی حکومت الس ءِ ہروڑنا آسراتی تا فراوانی کن ہروڑنا گام گیج کننگ ءِ حکومت ءِ اقتدار اٹ بننگ آن پد بھلا چیلنج آک مون تروک ئسر ہرافتے ٹی غٹ آن بھلا چیلنج زرگزرانی نزوری آن پد کورونا کون آ دین اتون گچین وڑاٹ مون تننگ ئس۔ عالم خان کاکڑ پارے کہ وزیراعظم عمران خان کبینی ءِ کم کننگ و الس ءِ آسراتی تا فراوانی کن کروک آ گام گیج آتا تینٹ چاروکی ءِ کننگ ءِ و انشاء اللہ بروک آبجٹ اٹی الس ءِ ریلیف فراوان کننگک۔
