الس کورونا دین انا مسٹ میکو ریسہ نا مون ءِ توننگ کن حکومت تون کمک کے، پاکستان تحریک انصاف نا صوبائی راہشون حمزہ خان ناصر

کوئٹہ۔ 05مئی (اے پی پی)پاکستان تحریک انصاف نا صوبائی راہشون حمزہ خان ناصر پارینے کہ الس کورونا دین انا مسٹ میکو ریسہ نا مون ءِ توننگ کن حکومت تون کمک کے و رکھی گام گیج آتیا عملدرآمد ءِ پک کیر، ایس او پی تیا عملدرآمد کن پاک فوج انا خذمت ءِ دوئی کننگ گچین ءُ گام اسے پاک فوج مدام مشکل وخت اٹی الس نا خذمت ءِ کرینے۔ داخیال آتا درشانی ءِ او چارشنبے نادے آ ”اے پی پی“ تون گپ وتران کرسا پارے کہ داوخت آ مچ آ دنیا آنبار پاکستان اٹی ہم کورونا دین انا مسٹ میکو ریسہ ٹی کورونا دین ترندی اٹ تالان مننگ ءِ ہراڑآن مرک و ناجوڑ آتا کچ اٹ دے پہ دے آ ودکی مرسا کننگ ءِ و ہسپتال آتیا ناجوڑ آتا بھاریم ودانے۔ اوپارے کہ الس ءِ مرے کہ او کورونا دین آن رکھ مننگ کن رکھی گام گیج آتیا عمل کیر تانکہ او تینا خاہوت ءِ کورونا دین آن رکھ تخنگ کیر۔ اوپارے کہ ننے مرے کہ حکومت نا کنڈآن کورونا دین آن بچنگ کن تروک آ رکھی گام گیج آتیا عمل کین ایس او پی تیا عملدرآمد کن حکومت نا کنڈآن پاک فوج انا خذمت دوئی کننگ اسہ گچین ءُ گام اسے انتئے کہ پاک فوج مدام مشکل وخت اٹ الس نا خذمت ءِ کرینے۔