کوئٹہ۔ 05 مئی (اے پی پی) صوبائی سلاہکار ایکسائز اینڈ ٹیکسیشن ملک نعیم خان بازئی پارینے کہ وزیراعلیٰ بلوچستان جام کمال خان صوبہ نا غٹ علاقہ غاتے بریبری نا بنداو آ شون تننگ خواہک۔ ہرانا جند انا کوشست آتے آن کوئٹہ شار اٹی بے شمار شونداری ڈٹ و پوسکن ءُ سڑک جوڑ کننگ انگ ءِ۔ وخت اس کہ مستین اٹ اسہ وزیراعلیٰ اس ہم کوئٹہ شار آ چکارکتنے۔ بے رنگ و نسل انسانیت نا خذمت ءِ کننگ کنا منشور ءِ۔ حلقہ نا الس ہرا پت ءِ کرینے اوفتا پت آ پورو سلنگ کن دے و نن کوشست کننگ اُٹ۔ مسہ سال اٹی تینا السی گام گیج آتا کمک اٹ الس نا ویل آتے ایسرکننگ اُن۔ ولے تدوک آ چل سال آن اقتدار اٹ بروک آک علاقہ کن ارب آ روپئی فنڈزیان کریر و حلقہ نا السی ویل آتیا ہچ ءُ چکار اس کتور۔ ولے افسوز نا ہیت اسے کہ اوفتیان کس اس اریفتو کہ الس نا امانت ءِ ہراڑے زیان کننگا۔ داہیت ءِ او ڈل اتون گپ وتران کرسا پارے۔ صوبائی سلاہکار ایکسائز اینڈ ٹیکسیشن ملک نعیم خان بازئی مستی پارے کہ علاقہ ٹی الس ءِ اوفتا درگہ غا بنداوی آسراتی، دیر، بجلی، گیس سڑک، تعلیم جان جوڑی نا آسراتی فراوان کننگ انگ ءِ، انشاء اللہ آخبت دا حلقہ بلوچستان نا اسہ بے مٹ ءُ حلقہ اس مریک۔ اوپارے کہ بے رنگ و نسل انسانیت نا خذمت کنا منشور ءِ عملی گام گیج آتا کمک اٹ الس نا خذمت غٹ انا مون آ پاش ءِ اوپارے کہ مستین اٹ السی نمائندہ غاک اوڑدہی تو مر انا ہیت اسے اوالس تون ملنگ نا گوارہ ہم کتورہ۔ ہنداخاطرآن الس تیناباشعور مننگ نا شاہدی ءِ ترسا اوفتے مسترد کرے۔
