پارلیمانی سیکرٹری حوالکاری بلوچستان گودی بشریٰ رند انا ”اے پی پی“ تون گپ وتران

کوئٹہ۔ 05 مئی (اے پی پی) پارلیمانی سیکرٹری حوالکاری بلوچستان گودی بشریٰ رند پارینے کہ وزیراعلیٰ بلوچستان جام کمال خان نا کماشی ٹی صوبائی حکومت صوبہ ٹی گڈ گورننس تون اوار صوبہ نا الس نا دیرینہ ویل آتے اولیتی بنداوتیا ایسر کننگ نا کوشست کننگ ءِ، مسکوہی صوبائی حکومت آتا غٹ ریکارڈ ءِ پرغانن۔ بلوچستان نا غٹ ویل آتے 2023ء آن مست ایسر کینہ۔ داخیال آتا درشانی ءِ او ”اے پی پی“ تون گپ وتران کرسا کرے۔ گودی بشریٰ رند پارے کہ صوبہ ٹی گڈ گورننس نا سہرا وزیراعلیٰ جام کمال خان ءِ کاہک انتئے کہ موصوف بھاز مخلص ایماندار و فرض شناس السی نمائندہ و وزیراعلیٰ ءِ، اوپارے کہ داکان مست ہم وزیراعلیٰ بلوچستان جام کمال خان صوبہ تون اوار مچ آ ملک انا الس کن بے رنگ و نسل خذمت سرترسا کرینے وپارے کہ ساڑی مخلوط صوبائی حکومت وزیراعلیٰ بلوچستان جام کمال خان نا کماشی ٹی صوبہ نا غٹ دیرینہ ویل آتے میرٹ و اولیتی بندا و تیا ایسر کننگ نا کوشست کننگ ءِ، وزیراعلیٰ بلوچستان مچ آ صوبہ ٹی اسہ وڑ شونداری اسکیم فراوان کرسا مچ آ صوبہ ءِ شونداری وشونہالی نا کنڈآ ترندی اٹ دننگ نا کوشست کننگ ءِ اوپارے کہ صوبہ ٹی بے مٹ امن و غٹ محکمہ غاتیا چیک اینڈ بیلنس تخنگ آن ساڑی صوبائی حکومت نا مورال بڑز مسنے و پارے کہ وزیراعلیٰ بلوچستان السی ویل آتے اولیت ترسا السی ویل آتا پتی ایسر اس خواہک صوبہ ٹی ترند شونداری ہم ساڑی صوبائی حکومت نا منت مرہون ءِ۔