اسلام آباد۔4مئی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ نواز شریف ءُ زرداری ءِ سیاست چول ورگ ءَ انت، پی ڈی ایم ءَ چہ پد ن لیگ ءُ پی پی پی سیاست ھلاس بوھگ ءِ کرانٹُک ءَ انت، بندش جتگیں پارٹی ءِ رویہ اسلامی زانشت ءُ کانود ءِ ھلاپ ءَ اتنت۔ ھمے ھاترا حکومت ءَ اے پارٹی ءَ را بندش جتگ، حکومت ءِ وڑ ءَ آمید گس ءُ الیکشن کمیشن ءَ را وتی کرد ءَ را پیلو کنگی انت، یورپی یونین ءِ منوگری پاکستان ءِ توکی جیڈھ آنی سر ءَ اچ وڑ ءَ آسر نکش نہ کنت۔ مزن وزیر عمران خان ءَ ساپ ساپیں رنگ ءَ گوشتگ کہ رسول پاک ﷺ ءِ شان ءِ ھوالگ ءَ اچ رنگیں گپ ءُ گال سگگ نہ بیت، الیکشن کمیشن بہ گوش ایت کہ چہ پیم یو اے ای ءَ نندوکیں مردم ءِ نام ءَ پارٹی رجسٹرڈ بوت، بھارت ءَ الیکشن گامگیج آنی سبب ءَ کورونا وائرس گیش شنگ ءُ تالان بوت الیکشن کمیشن ءَ را ھم وتی زمہ واری پیلو کنگی انت پدا ھم جندی لایکشن ءَ کورونا رکھینگی ایس او پیز گندگ نہ بوھگ ءَ انت۔ آ سئے شمبے ءِ روچ ءَ مزن وزیر کارگس ءَ بنجاھی کابینہ دیوان ءَ چہ پد میڈیا ءَ را بریفنگ دیگ ءَ ات۔
