سی پیک اتھارٹی نا چیئرمین لیفٹیننٹ جنرل (ر) عاصم سلیم باجوہ نا پوریاگرآتون گپ وتران

اسلام آباد۔ 04مئی (اے پی پی) چین پاک اقتصادی راہداری (سی پیک) اتھارٹی نا چیئرمین لیفٹیننٹ جنرل (ر) عاصم سلیم باجوہ عزم انا درشانی ءِ کرینے کہ سی پیک قومی شونداری نا ڈٹ اسے و ہچ ءُ زور اس دادے توننگ کپک۔ کراچی ٹی پوریاگر آتون گپ وتران کرسا اوپارے کہ 2 سال مست گوادر فری زون فیز 60 ایکڑ آ بناکریسس و داوخت آ ہموڑے آبادی ءِ، 12آن 6 فیکٹری تا تفنگ پورو مسنے۔ اوسی پیک نا رداٹ ودوک آ زرگزرانی سرجزآتا بابت پارے کہ ہموڑے اسہ فیکٹری اس پروڈکشن نا بناءِ کرینے۔ عاصم سلیم باجوہ پارے کہ فیز 2 انا بنامننگ والاءِ ہرا 22 سد ایکڑ آ تالان ءِ و پیشن نا ملک آن زرکاری کن است خواہی نا درشانی ءِ کننگ انگءِ۔ اوپارے کہ سی پیک نا بھاز انگا ڈٹ پورو مرسا خننگ انگ ءُ، سی پیک ڈٹ انا رداٹ ملتان سکھر موٹروے پورو مس، عاصم سلیم باجوہ پارے کہ اسپیشل اکنامک زون اٹی بھاز انگا مخلوق است خواہی ظاہر کننگ ءُ۔ فیصل آباد اٹی کینیڈین، جرمن و چینیک است خواہی ظاہر کرینو۔