اسلام آباد/منیلا۔ 04 مئی (اے پی پی) وزیراعظم نا خصوصی کمکار راجی رکھ و تخفیف نیزگاری ڈاکٹر ثانیہ نشتر پارینے کہ دنیا تینا آبادی نا 50 درسد زالبول ءِ گوجالنگ نامتحمل اف ہرا تینا قابلیت، پیدواری و قائدانہ لائخی تے اٹ راج اٹ مثبت کڑد ادا کننگ کیرہ۔ او ایشیائی شونداری بینک(اے ڈی بی) نا سالانہ دیوان آن تران کریکہ ہرانا سلہ ءِ اودے اے ڈی بی نا کنڈآن تننگاسس۔ دا بڑزکو کہولی ورچوئل دیوان نا مسخت کوویڈ۔ 19 آن پد زالبول آتا راجی و زرگزرانی بحالی نا بابت شرہ غا چکار کننگ ئس۔ پینل اٹ ڈاکٹر ثانیہ تون اوار ماہر معاشیات، اقتصادیات، و پٹ وپولی محکمہ ایشیائی شونداری بینک جوزف وگ لیک، ہیڈ وائی فائی سیکرٹریٹ جہانی بینک گروپ وینڈی ٹیلی کائی، ایگزیکٹیو ڈائریکٹر سینڈرڈ چارٹرڈ بینک ڈینیز ہاروت و سینئر اسپیشلسٹ صنفی مساوات و عدم تفریق جہانی لیبر آرگنائزیشن (آئی ایل او) جونی سمپسن ئسک ساڑی ئسر۔ سیشن نا میزبانی ءِ بی بی سی نا شرنجیت لیل کرے۔ پینل کوویڈ۔19 نا سوب زالبول آتاملازمت آتے ٹی غیر متناسب بشخ انا چٹفنگ، لیبر مارکیٹ اسکان رسینگ اٹ صنفی خلاء ٹی ودکی و زالبول آتا نیزگاری ٹی ودکی نا بابت امور آ گپ وتران کرے۔ جہانی ماہرین و پالیسی سازآک داہیت آ زور شاغار کہ ایشیاء بحرالکاہل نا زرگزران ءِ معمول آ اتنگ کن زالبول آتا کاریم اٹ بے بریبری ءِ مُر کننگے۔ بشخ ہلو ک آک داہیت آ گپ وتران کریر کہ کوویڈ۔19آن پد صنفی مساوات ءِ ہراحداسکان پید وار کننگے۔ تخفیف نیزگاری و راجی رکھ ڈویژن نا رداٹ ڈاکٹر ثانیہ نشتر پروگرام اٹی صف انا بابت ہدف آتا گرج آ زور شاغسا احساس پروگرام نا درور ءِ مون آتخا ہراڑے زالبول آتے کن ودکی 50 درسد احساس فائدہ پالیسی نا کمک اٹ اوفتے قومی دنگ اٹ اوار کننگ نا ہدف ساڑی ءِ۔ ڈاکٹر ثانیہ نشتر پارے کہ دنیا تینا آبادی نا 50 درسد زالبول آتے گوجالنگ نا متحمل اف ہرا تینا قابلیت، پیدواری و قائدانہ لائخی تے اٹ راج اٹ مثبت کڑد ادا کننگ کیرہ۔ راجی نتیجہ غاتا اعتبار اٹ نن چانہ کہ زالبول آتا تعلیم و واکدار آتا اسہ اُراسے نا گچین جان جوڑی و راجی نتیجہ غاتون براہ راست تعلق ءِ۔ اومستی پارے کہ کوویڈ۔ 19 آن پد اسہ بھلو کچ اسے آ اصلاح و تعمیر نو نا کاریم المی ءِ ہراٹی زالبول آتا بشخ بھاز اہم ءِ۔ اوکان پد ڈاکٹر ثانیہ نشتر کارروائی کن ڈیٹا نا احتساب نا اہمیت آ ہم زور شاغا۔
