اسلام آباد۔ 04 مئی (اے پی پی) بنجائی وزیر توانائی حماد اظہر پارینے کہ توانائی نا گرج آتے پورو کننگ کن تاپی ڈٹ بھاز اہم ءِ، ڈٹ اٹ گیس ترسیل معاہدہ غٹ شریک ملک آتا تین پہ تینی فائدہ ءِ مون آ تخسا طے کننگک۔ اوداخیال آتا درشانی ءِ سے شنبے نادے آ داڑے ترکمانستان نا سفیر تون گپ وتران کرسا کرے۔ اوڑدہی ٹی خصوصی کمکار بجلی و پٹرولیم تابش گوہرئسک ہم ساڑی ئسر۔ اوڑدہی ٹی ہڑتوم آ ملک آتا نیام اٹ توانائی نا بشخ اٹی کمکار ی ءِ ودفنگ و تاپی گیس پیپ لین ڈٹ آ گپ وتران کننگا۔ حماد اظہر پارے کہ توانائی نا گرج آتے پورو کننگ کن تاپی ڈٹ اہم ءِ۔ڈٹ انا پوروی کن اولیتی بنداوتیا کاریم کننگ انگ ءِ۔ حماد اظہر پارے کہ تاپی ڈٹ انا گیس فراوانی معاہدہ غٹ شریک ملک آتا تین پہ تینی فائدہ ءِ مون آ تخسا طے کننگک۔، ترکمانستان سفیر پارے کہ تاپی ڈٹ ءِ ایسر اسکان سرکننگ کن غٹ شریک ملک آتون رابطہ ٹی اُن۔ ڈٹ انا سیکورٹی نا باندات زوت طے مریک۔
