اسلام آباد۔ 04مئی (اے پی پی) الس نا پیسہ الس کن نا وژن نا رداٹ خراج تروک آتا دوتے ٹی السی ڈٹ آتا بناءِ کننگ نا مہم برجاءِ۔ وزیراعظم نا خصوصی کمکار امور نوجوانان عثمان ڈار سیالکوٹ اٹی پوسکن آ ڈٹ آتا بناءِ خراج تروک آتیان کرفے۔ شار اٹی 20 کروڑ روپئی نا خڑچ آن نکاسی آب انا ڈٹ آتا بناءِ کننگا۔ ڈٹ انا بنداو ءِ علاقہ نا غٹ آن زیات خراج تروک آ شاری تخا۔ ڈٹ آ خراج تروک آ شاری نا پن انا تختی ءِ خلنگا، ویڈیو ءِ ہم جاری کننگانے۔ داوخت آ وزیراعظم نا خصوصی کمکار امور نوجوانان عثمان ڈار پارے کہ دا مہم نا مسخت خراج تروک آتا است بڈی ءِ کننگ ءِ۔ سیالکوٹ نا ماسٹر پلان آ کاریم کننگ انگ ءِ، شار اٹی ارب آ روپئی نا خڑچ آ تالان شونداری ڈٹ برجاءِ، اوپارے کہ ہر ڈٹ انا بناء و بنداو ءِ علاقہ نا غٹ آن زیات خراج تروک آ کننگ ءِ، سیالکوٹ ءِ پنجاب نا ایمرجنگ شار جوڑ کننگک، عثمان ڈار پارے کہ شار اٹی نکاسی آب انا ویل ءِ اولیتی بنداو تیا ایسر کننگ انگ ءِ، کلین گرین سیالکوٹ نا رداٹ ڈٹ آکاریم نا رفتار ءِ ترند کننگانے۔
