اسلام آباد۔ 04 مئی (اے پی پی) بنجائی وزیر حوالکاری و شینکاری چوہدری فواد حسین پارینے کہ شہباز شریف و بلاول نا سلاہ نا رداٹ اگہ الیکشن کمیشن و نیب اٹی اصلاحات داادارہ غاتے تینٹ کروئی ءِ تو اوفک چار اوفتا کاریم چائے، ولدا پارلیمان نا ادارہ غاتا اصلاحات اٹی ہچ ءُ کڑد اس اف۔ سے شنبے نادے آ تینا ٹویٹ اٹی بنجائی وزیر چوہدری فواد حسین وزیراعظم نا سلاہکار احتساب و داخلہ شہزاد اکبر نا ٹویٹ نا حوالہ ءِ ترسا پارے کہ اونا سلاہ بے کچ زیرک ءِ کہ اگہ گچین کاری اصلاحات الیکشن کمیشن ءِ کروئی ءِ و پارلیمان نا ہچ ءُ کڑد اس اف توولدا نیب انا کانود اٹ اصلاحات ہم نیب ءِ کننگ ءِ ہلر۔ اوفک چار اوفتا کاریم انتئے کہ شہباز شریف و بلاول نا سلاہ نا رداٹ پارلیمان نا ادارہ غاتا اصلاحات اٹی ہچ ءُ کڑد اس اف۔ بنجائی وزیر چوہدری فواد حسین تینا ٹویٹ اٹی نجی ٹی وی چینل نا اسہ پروگرام اسے نا ہم حوالہ ءِ تس ہراٹی او ن لیگ انا احسن اقبال ءِ دلیل اٹ پہہ کننگ نا کوشست کننگ ءِ کہ او ای وونٹنگ مشین نا بیرہ مخالفت ءِ داخاطرآن کننگ ءِ ہلے کہ عمران خان نا حکومت اٹی داڑآ کاریم مس۔ آر ٹی ایس سسٹم ءِ تولنگ نا ہیت کروک آک دا پہہ مریر کہ ای وونٹنگ مشین انٹرنیٹ اتون گنڈوک اف۔
