عقیدہ ختم نبوت و ناموس رسالت ﷺ ناکانود و اسلاموفوبیا غا وزیراعظم عمران خان نا موقف پاکستانی قوم و امت مسلمہ نا ترجمانی ءِ، عالم دین و مشائخ

اسلام آباد۔ 04 مئی (اے پی پی) مچ آ ملک انا عالم دینک و مشائخ و چندی سیاسی و مذہبی جماعت آتا سرکڑدہ غاک پارینو کہ عقیدہ ختم نبوت و ناموس رسالت نا کانود و اسلامک فوبیا غا وزیراعظم عمران خان نا موقف پاکستانی قوم و امت مسلمہ نا ترجمانی ءِ۔ یورپی یونین نا اطلاعات پاکستان دشمن لابی تا پروپیگنڈاغا مبنی ءِ، پاکستان اٹی توہین ناموس رسالت و توہین مذہب نا کانود ءِ غلط کاریم اٹ اتپننگ انگ ءِ۔ زوراکی اٹ مذہب نا بدلی نا اسلام اٹی ہچ ءُ تصور اس اف۔ شریعت اسلامیہ جبراََ کس اسے مسلمان کننگ یا مذہب نا پن آ خلیفنگ نا موکل تفک و پاکستان اٹی زوراکی مذہب نا بدلی نا واقعہ مفننگ ءِ۔ پاکستان ناغٹ مذہب و مسلک آتا منوک آ ک حکومت نا موقف تون تفوک ءُ۔ پاکستان اٹی توہین مذہب و توہین ناموس رسالت نا کانود آ اقلیت آتے ہچ ءُ اعتراض اس اف۔ کس اسے مذہب نا پن آ خوف تالان کننگ نا موکل تفننگک و نئے شریعت اسلامیہ اونا موکل ایتک۔ داخیال آتا درشانی ءِ وزیراعظم نا نمائندہ خصوصی مذہب ہم آہنگی و دے ٹک نیامی  وپاکستان علما ء کونسل نا چیئرمین حافظ محمد طاہر محمود اشرفی، اسلامی نظریاتی کونسل نا چیئرمین ڈاکٹر قبلہ ایاز، پیر نقیب الرحمن، علامہ افتخار حسین نقوی، متحدہ جمعیت اہلحدیث نا سروک علامہ سید ضیائاللہ شاہ بخاری، جمعیت علمائاسلام (س) نا سربراہ مولانا حامد الحق حقانی، صوبائی وزیر اوقاف پنجاب صاحبزادہ سعید الحسن شاہ، مولانا محمد خان لغاری، علامہ محمد حسین اکبر، مفتی محمد زبیر، پیر روح الامین، پیر آف مانکی شریف، ڈاکٹر راغب حسین نعیمی، مولانا اسد ذکریا قاسمی، مولانا محمد شفیع قاسمی، قاری محمد حنیف بھٹی، علامہ طاہر الحسن، علامہ غلام اکبر ساقی، مولانا قاسم قاسمی، مولانا محمد اشفاق پتافی، مولانا طاہر عقیل اعوان، مولانا نعمان حاشر، مولانا اسلم صدیقی و ایلو عالم دین و مشائخ سے شنبے نادے آ تینا اسیجائی بیان اسے ٹی کریر۔