ایشیائی شونداری بینک تدوک آ سال پاکستان ءِ 1.78 ارب ڈالرنا کمک فراوان کرے

اسلام آباد۔ 04 مئی (اے پی پی) ایشیائی شونداری بینک انا کنڈآن تدوک آ سال پاکستان ءِ جم وڑاٹ 1.78 ارب ڈالرنا کمک فراوان کننگا۔ ایشیائی شونداری بینک انا کنڈآن سے شنبے نادے آ جاری کروک سرجم حوال آتا رداٹ سال 2020ء ٹی ایشیائی شونداری بینک انا کنڈآن پاکستان ءِ جم وڑاٹ 1.78ارب ڈالر نا کمک فراوان کننگا، ایشیائی شونداری بینک انا کنڈآن تروک آ کمکاری ٹی 1.1 ارب ڈالر پروگرام وام و 680.7ملین ڈالر پروجیکٹ وام انا دروشم اٹ تننگا۔ ایشیائی شونداری بینک پاکستان کن ہراکنٹری شریداری حکمت عملی ءِ وضع کرینے او اقتصادی انتظام و انصرام نا گچینی، لچک و استقلال اٹ ودکی، مسابقت اٹ ودکی و نجی بشخ انا شونداری نا اہم تمبہ غاتیا تالانءِ۔ بینک پارینے کہ کوویڈ۔ 19 آن ودی مروک آ مشکل آتا رداٹ پاکستان نا اقتصادی ودکی نا گمان تیا اثرمرتب مسنے۔ ایشیائی شونداری بینک پائیدار اقتصادی ودیکی کن توانائی نا بشخ، کیپٹل مارکیٹ و واپاری مسابقت اٹ ودکی کن پالیسی مخ تف و وام تا فراوانی نا چرجوئی ءِ برجاتخک۔