روشن ڈیجیٹل اکاؤنٹ آتے ٹی جمع کرفوک آ زرآک اسہ ارب ڈالر آن گدرینگار

اسلام آباد۔ 03مئی (اے پی پی) ستمبر 2020ء ٹی بناکروک آ اسکیم روشن ڈیجیٹل اکاؤنٹس (آر ڈی اے) ٹی جمع کرفوک آ زرآک اسہ ارب ڈالر آن گدرینگانو۔ اسٹیٹ بینک آف پاکستان نا حوال نار داٹ ستمبر 2020ء ٹی آر ڈی اے ٹی 9 ملین ڈالر جمع کرفنگاسس وخت اس کہ اکتوبر 2020ء ٹی ڈیپازٹس 42 ملین ڈالر اسکان ودا و نومبر 2020ء ٹی 110 ملین ڈالر مس۔ ہنداوڑ ددسمبر 2020ء نا ایسر آ آرڈی اے ٹی جمع کرفوک آ زر آتا کچ 250ملین ڈالر مسوسس۔ حوال نا رداٹ جنوری 2021ء ٹی دا کچ 418 ملین ڈالر، فروری 2021ء ٹی 594ملین ڈالر وخت اس کہ مارچ 2021ء ٹی 806ملین ڈالر ریکارڈ کننگاسس۔ اپریل 2021ء ٹی آرڈی اے اکاؤنٹس اٹی جمع کرفوک آ زر انا کچ اسہ ہزار ملین ڈالر (یعنی اسہ ارب ڈالر) آن ودانے۔