این اے۔ 249اٹی دھاندلی تون مون تننگ آ نواز لیگ انا بیلٹ پیپرزءِ فوج انا تحویل اٹ تننگ نا خواست،اللہ یقینا الحق ءِ، اسد عمر

اسلام آباد۔ 03مئی (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ (ن) لیگ تُو تا تُو طوفان بش کریسس فوج 2018ء نا گچین کاری تیٹی دھاندلی کرفے۔ تینا ٹویٹ اٹی پارینے کہ لندن اٹ تولوک میاں صاحب عرف چے گویراثانی فوج انا سیاست اٹ نیام تمنگ نا برخلاف جنگ کریکہ، ہندن کہ این اے 249ء ٹی دھاندلی تون مون تروک مس، نواز لیگ بیلٹ پیپرز ءِ فوج انا تحویل اٹ تننگ نا خواست کرے، اللہ یقینا الحق ءِ۔