40سال انا وئی نا بندغ آتا ویکسی نیشن نا بناءِ کننگانے، ڈاکٹر فیصل سلطان

اسلام آباد۔ 03 مئی (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ دوشنبے آن 40 سال انا وئی نا بندغ آتا ویکسی نیشن نا بناءِ کننگانے۔ اومیڈیا ءِ حوال ترسا پارے کہ جون اسکان 1 کروڑ 90 لکھ ویکسین نا خور وصول مریک، ویکسین نا عمل سوگو حکمت عملی نا رداٹ بناءِ کننگانے، داپاننگ بے بنداو ءِ کہ حکومت ویکسین بیرہ عطیہ غاتا مد اٹی ہلنگ اٹی ءِ،پاکستان اٹی ویکسین نا فراوانی وخت آ و بھاز سجفوک ءُ وڑاسے اٹ کننگا۔ اوپارے کہ جون اسکان 19 ملین آن زیات کور جون اسکان وصول مریک، دافتیان 90 درسد خور ہلنگک۔ اوپارے کہ داتم اسکان 3 کروڑ خور ہلنگ کن ڈیل سائن کرینن۔ اوپارے کہ 7 کروڑ مخلوق ءِ دا سال انا ایسر اسکان ویکسین تننگک۔ اوپارے کہ کم و ود ہردے 1 لکھ 50 خور ویکسین تننگ انگ ءِ۔ اوپارے کہ ننا 3 لکھ خور تننگ نا ہدف ءِ۔ اوپارے کہ 40 سال آن زیات وئی نا بندغ آتا ویکسی نیشن نا عمل نابناءِ کننگانے۔ اوپارے کہ پاکستان نا آبادی نا 100 ملین بندغ ہند ن ءُ ہرافتے ویکسین لگنگ کیک، ایلو 18 سال آن کم وئی نا ءُ۔ اوپارے کہ ننا ہدف ءِ کہ داسال انا ایسر اسکان نن 7 کروڑ مخلوق ءِ ویکسین خلین، دساساڑی حالیت آتے ٹی ہم نن ویکسین تننگ اٹ سرسہب مننگ اٹی اُن۔ اوپارے کہ منہ ملک ہراویکسین تیار کننگ ءُ، او ایکسپورٹ آ پابندی خلکونو، داحالیت آتے ٹی ہم پاکستان ویکسین تننگ ءِ، داٹی چین ننا بھاز کمک ءِ کرینے۔ اوپارے کہ ویکسین نا 3 کروڑ خور ہلنگ نا معاہدہ طے مسنے، 25 لکھ بندغ ءِ کورونا دین انا ویکسین خلکونن۔