مزن وزیر عمران خان ءِ سروکی ءَ حکومت ءَ الس، سیاسی گل  ءُ بلدکاریں مردم آنی  گچین کاری کار ءِ سر ءَ دل یکیمی ءِ واستہ گچین کاری گہتری  پیکیج تیار کتگ، بنجاھی وزیر چوہدری فواد حسین

اسلام آباد۔3مئی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ مزن وزیر عمران خان ءِ سروکی ءَ  حکومت ءَ الس ، سیاسی گل  ءُ بلد کاریں  مردم آنی گچین کاری کار ءِ سر  ءَ  دل یکیمی ءِ واستہ گچین کاری گہتری پیکیج تیار کتگ۔ اوور سیز پاکستانی آناں ووٹ ءِ ھک  ءَ را دیگ لوٹاں۔  پیپلز پارٹی ءُ مسلم لیگ (ن) اے بابت ءَ وتی بن گپ سہرا بکنت، گچین کاری پیکیج ءِ واستہ حکومت ءِ کرا سینٹ ءُ راجی اسمبلی ءَ گیشتر انت بلے  لوٹاں  کہ اپوزیشن ءَ را اے کار ءِ اندر ءَ  ھوار بکن آں، اپوزیشن ءِ سرجمیں زندمان  پرچی  ءِ سر ءَ سیاست کنگ ءَ گوستگ، ملکی سیت  ءَ  اپوزیشن پرچی ءِ سیاست  ءَ چہ ڈن انت ءُ گچین کاری گہتری کار ءَ وتی بھر ءَ  مان بکن انت۔   آ دو شمبے ءَ چائنہ فرینڈ شپ سینیٹر ءَ مزن وزیر ءَ مشیر برائے پارلیمانی کار ڈاکٹر بابر اعوان ءِ ھمبراھی  ءَ پریس کانفرنس ءَ گوں گشتانک کنگ ءَ ات۔