حکومت ءَ الیکشن ایکٹ 2017 ءِ 49 چیل ءُ نوھمی بھر ءِ تہ ءَ مٹ ءُ بدلی آرگ ءِ پیسلہ کتگ، مزن وزیر ءِ مشیر برائے پارلیمانی کار ڈاکٹر بابر اعوان ءِ چوہدری فواد حسین ءِ ھمبراھی ءَ پریس کانفرنس ءَ گشتانک

اسلام آباد۔3مئی (اے پی پی): مزن وزیر ءِ مشیر برائے پارلیمانی کار ڈاکٹر بابر اعوان ءَ گوشت کہ حکومت ءَ الیکشن ایکٹ 2017 ءِ 49  چیل ءُ نوھمی بھر ءِ توک ءَ مٹ ءُ بدلی آرگ ءِ پیسلہ کتگ ایشی ءِ چیر دستی ءَ گچین کاری الیکٹرانک ووٹنگ میشن ءِ کارمرد، ڈن ملک ءَ پاکستانی آناں الیکشن ءِ اندر ءَ ووٹ دیگ ءِ  موہ دیگ، گچین کاری  امیت وار آنی نیمگ ءَ  ریٹرننگ اپسرگ آنی پوسٹنگ ءَ را چیلنج کنگ، نادرا ءِ گچین کاری لڑ آنی تیاری ءُ حلقہ بندی آباتی آنی مٹ ءَ رجسٹرڈ ووٹر آنی بنیات ءَ کنگ بوت کنت۔

دو شمبے ءَ پاک چائنا فرینڈ شپ سنٹر ءَ مزن وزیر ءِ مشیر برائے پارلیمانی کار ڈاکٹر بابر اعوان ءَ بنجاھی وزیر اھوالکاری ءُ شنگ کاری چوہدری فواد حسین ءِ ھمبراھی ءَ پریس کانفرنس ءَ گشتانک دیان ءَ کت  گچین کاری  گہتری کار انچیں جیڈھ انت  کہ ایشانی  گیواری ءَ  ٹوھیں ڈکالی کم بنت بلے کانودی ادارگ  آنی سر ءَ دل یکیمی  گیش بنت۔ آئی ءَ گوشت کہ 2013 ءَ الیکشن ءِ موہ ءَ  ملک ءَ دھاندلی ءِ طوفان اے وھد ءَ  چست بوت وھد ءِ یک جج  صاحبے ءَ  ریٹرننگ اپسرگ  ءَ گوں گشتانک کت۔ اے وھد ءَ 22 سیاسی گل آں 2013  ءِ الیکشن ءَ را  آر اوز آنی الیکشن  نامینت۔  ایشی ءَ چہ پد پی ٹی آئی ءَ ایوک ءَ 4 حلقہ آناں  پچ کنگ ءِ لوٹ کت بلے آئی گپ ءَ را منگ نہ بوت ءُ پدا پی ٹی آئی  ءَ راجدپتر ءِ درستاں چہ مستریں جاک ءُ کوکار کت۔ یک جستے ءِ پسو ءَ آئی ءَ گوشت کہ الیکٹرانک ووٹنگ مشین ءِ کارمردی  ءِ پکوئی پیسلہ توامیں پریک آناں دل یکیمی کنگ بیت۔ یک جستے ءِ پسو ءَ آئی ءَ گوشت کہ گچین کاری ایکٹ 2017  ءِ لڑ 11 ءَ مٹ ءُ بدلی ءِ وسیلگ ءَ الیکشن کمیشن ءَ را گیش وت مستر کنگ بیت۔ آئی ءَ گوشت کہ شہباز شریف ءِ اے گوشگ راست نہ انت کہ سرجمیں دگنیا ءَ را الیکٹرانک ووٹنگ مشین ءِ کامردی ءَ را  رد کتگ،  بھارت ءِ درور مئے دیم ءَ انت، آئی ءَ گوشت کہ یک دگہ مٹ ءُ بدلی ءِ آرگ بوھگ ءَ انت ایشی ءِ وسیلگ ءَ  ھرچی سینیٹ ءُ راجی اسمبلی ءِ گچین  بوتگیں باسک 60 روچ ءِ اندر ءَ وتی سوگند ءَ چست نہ کنت آئی سیٹ ھلاس لیکگ بیت۔