حکومت ءَ مالی سال ءِ اولی 9 ماہ آں 4 ارب 86 کروڑ 50 لکھ ڈالر وام ادا کتگ، ہمایوں اختر خان

لاہور۔2مئی (اے پی پی):پاکستان تحریک انصاف ءِ سینئر بنجاہی راہشون ءُ پیسرگیں بنجاہی وزیر ہمایوں اختر خان ءَ گشتگ کہ انوگیں حکومت ءَ وتی وشی ءَ چہ نا  بلکیں مالی ضلورت ءِ ردءَ ڈنی وام زُرتگ ءُ کاگد اے گپ ءِ گواہ اَنت کہ  ایشانی تہ ءَ گیش پیسرگیں وام ءُسوتانی ادا کنگ ءَ حرچ بوتگ اَنت، حکومت ءَ گوازوکیں مالی سال ءِ اولی 9 ماہاں 4 ارب 86 کروڑ 50 لکھ ڈالر وام ادا کتگ، گچین کاری نظام ءَ را 100 درسد ساپ ءُ سلہ کنگ ءَ را الم کنگ ءِ ھاترءَ اپوزیشن بے شرط ءَ گوں حکومت ءَ بہ  نیندیت ءُ سول ءُ تران بہ کنت۔ آئی ءَ گشتگ کہ مزن وزیر عمران خان چہ اولی روچ ءَ گچین کاری ءِ تہا مٹ ءُبدلی آرگ ءِ گپ ءَ کنگ ءَ اِنت۔بلےاپوزیشن” من نامن ایں” ءِ سُر ءَ یل ناکنت۔ ما انگت گشاں کہ بیا اے ہوالگ ءَ سول ءُ تران بہ کن اَنت تنکہ  گچین کاری ءِتہا کس لُچی ءُ ٹگی ءِ شکایت ءَ ماکنت۔