حکومت وتی آئینی مدت ءَ سرجم کنت، ملک امین اسلم

حضرو۔2مئی (اے پی پی): مزن وزیر ءِ حاسیں کمک کار ملک امین اسلم ءَ گشتگ کہ حکومت وتی آئینی مدت ءَ سرجم کنت۔ اُلس ءَ را ریلیف دیئگ ءِ ھاترءَ تحریک انصاف ءِ حکومت شپ ءُ روچ کوشست  کنگ ءَ اِنت۔ پاکستان ءِ ماحولیات ءِ پالیسی سرجمیں دنیا ءَ ساڑاہگ بوہگ ءَ  اَنت کہ اے ہوالگ ءَ مزن وزیر عمران خان شاباشی ءِ لائق اِنت۔ اے ھیالانی درشانی آئی ءَ میڈیا ءِ نمائندگاں گوں گپ ءُ تران کنان ءَ کتگ۔ ملک امین اسلم ءَگشتگ کہ حلقہ ءِ اُلس ءَ را جان ءُ سلامتی، ساپیں آپ ءَ ہوار ایندگہ بنکی آسراتی سرکنگ ءِھاترءَ کوشست کنگ ءَاَنت۔