درائیں وائرس گوں وہد ءِ ہمرائی ءَ ارتقاء ءِ عمل ءَ چہ گوازاں، ڈاکٹر فیصل سلطان

اسلام آباد۔2مئی (اے پی پی): مزن وزیر ءِ  راجی جان ءُ سلامتی  پڑءِ حاسیں کمک کارڈاکٹر فیصل سلطان ءَ وتی  ویڈیو کلوہ ءِ تہا گشتگ کہ گوستگیں یک دو روچاں کورونا ءِ نوکیں قسم ءِہوالگ ءَ گپ ءُ تران کنگ بوہگ ءَ اِنت۔ ڈاکٹر فیصل سلطان ءَگشتگ کہ درائیں وائرس گوں وہد ءِ ہمرائی ءَ ارتقا ءِ عمل ءَ چہ گوازاں۔ ایشی ءِنتیجگ ءَ نوکیں ویرنیٹس ءُ نوکیں قسم دیما کایاں۔ آئی ءَ گشتگ کہ لھتیں ماہ پیسربرطانیہ ءَیک نوکیں قسمیں گوشگ بوتگ کہ آئی ءَ را  بی ون ون سین ءِ نام دیئگ بوتگ۔ اے قسم اے وہد ءَ دنیاءِ بازیں مکلاں اَست اِنت۔ آئی ءَگشتگ ویکسینشن الم بکن اِت۔ تنکہ اے وائرس ءَ چہ رکھگ بہ بیت۔