اسلام آباد۔1مئی (اے پی پی): مزن وزیر عمران خان ءَ اے سال اپریل ءَ ٹیکس وصول کنگ ءِ تہا 57 درسد گیشی ءِ سرءَ ایف بی آر ءِ کوشستاناں ساڑاتگ، شمبے ءِ روچءَ یک ٹویٹ ءَ مزن وزیر عمران خان ءَ گشتگ کہ اے سال 384 ارب کلدار ءِ ٹیکس دست گرگ بوتگ اَنت وہدے کہ گوستگیں سال اپریل ءَ 240 اربل کلدار ءِ ٹیکس دست گرگ بوتگ۔ آئی ءَ گشتگ کہ جولائی 2020 ءَ تاں اپریل 2021 ءَ 3780 کلدار ءِ ٹیکس دست گرگ بوتگ اَنت کہ گوستگیں سال ءَ چہ 14 درسد گیش اَنت۔ مزن وزیر ءَگشتگ کہ ٹیکس ءِ دست گرگ ءِ ریکارڈ ءَ چہ اے گپ پدر بیت کہ مے جوڑکتگیں پالیسی معیشت ءَ را دیمروئی ءِ نیمگ ءَ برگ ءَ اَنت۔
