پاکستان ءِ دیمروئی پوریاگر ءُ بزگرانی دیمروئی ءَ گوں بندوک اِنت، مرچیگیں روچءَ سرجمیں دنیاءِ پوریاگرءُ بزگراں داد ءُ سلام پیش کناں، شبلی فراز

اسلام آباد۔1مئی (اے پی پی): سائنسءُ ٹیکنالوجی ءِ بنجاہی وزیر سینیٹر شبلی فراز ءَ گشتگ کہ پاکستان ءِ دیمروئی گوں پوریاگرءُ بزگرانی دیمروئی ءَ گوں بندوک اِنت، مزن وزیر عمران خان  ءَ کورونا ءِ ہوپ ءِوہدءَ پہ پدمنتگیں تبک ءِ ھاترءَ گامگیج چست کتگ، مرچیگیں سرجمیں دنیا ءِ درائیں پوریاگرءُ بزگراں دادءُ سلام پیش کناں۔ شمبےءِ روچءَ پوریاگرانی میاں اوستمانی روچءِ درگت ءَ وتی کلوہ ءَ آئی ءَ گشتگ کہ مزن وزیر عمران خان ءِنیمگ ءِ چہ کورونا وائرس ءِہوپ ءِ وہدءَ پہ پوریاگرءُ بزگرانی ھاترءَ گامگیج چست کنگ بوتگ۔ اے گامگیج اے گپ ءِ سبوت اَنت کہ ہمک شہری ءِ ریاست ءِ سرءَ حق اَست ۔ سینیٹر شبلی فراز ءَ گشتگ کہ کس شُد ءَ واب ماکپیت،لنگر خانہ ءُ پناہ جاہ مزن وزیر ءِ اے ویژن ءِ عکس کشی ءَ کنت۔ آئی ءَ گشتگ کہ پاکستان ءِ دیمروئی پوریاگرءُ بزگرانی دیمروئی ءَ گوں بندوک اِنت۔