اسلام آباد۔1مئی (اے پی پی):صدر مملکت ڈاکٹر عارف علوی ءَ مزنور ءُ بزگر آنی شرپ ءُ ازت ءُ بنیاتی ھک آنی رکھینگ ءِ ھوالگ ءَ جزم ءِ درشان کنان ءَ گوشت کہ مزنور آنی جنز ھمک رنگ ءَ ھک آںی لگت مالی ءِ ھلاپ ءَ یک روژنائیں کشک ات۔ حکومت ھاسیں رنگ ءَ مزور آنی گہبود ءُ رکھینگ ءِ واستہ ھمک رنگیں گامگیج کنگ ءَ انت، مزور ءُ بزگر شریکدار انت ءُ ملک ءِ گہبود ءُ اقتصادی دیمروئی ءِ واستہ آوانی کمک المی انت۔ مزور آنی میاں اوستمانی روچ ءِ درگت ءَ جاڑی بوتگیں کلوہ ءَ صدر ءِ مملکت ءَ گوشت کہ ما مزور ءُ بزگر آنی جہد ءُ کوشست آناں سلامتی پیش کناں، مردم آنی زندمان آنی گہتری ءُ پاکستان ءِ مھکمیں دیمروئی ءِ واستہ آوانی ازمت لائک ءِ توسیپی انت۔ آئی ءَ گوشت کہ ما مرچی وتی اے جزم ءِ درشان ءَ کنان کہ ازمت کنوک آنی شرپ ءُ ازت ءُ آوانی بنیاتی ھک آنی رکھینگ ءِ جہد ءُ کوشست ءَ را توسیپ ءُ ستا پیش کنگ ءِ کوشست ءَ جاڑی دار آں، صدر ءِ مملکت ءَ گوشت کہ مزور آنی جہد ءُ کوشست چاگردی ناانصافی، چائلڈ لیبر، زور کار گرگ ، رنگ ءُ نسل ، نیک راھی یا دگہ کسد ءُ کینگ آنی رد ءَ کشاں چہل آنی ھلاپ ءَ یک روژنائیں کشک ءِ جوڑ بوتگ۔ آئی ءَ گوشت کہ لیبر کانود ءِ جوڑیشت ءَ چہ بازیں سال پیسر ءَ چہ اسلام ءَ مزوزر آناں ھک ءُ شرپ داتگ۔ صدر مملکت ءَ گوشت کہ آ سرجمیں ملک ءِ ازمت کنوک آنی جوانیں باندات ءُ وشھالی ءِ واستہ دعاگو آں۔
