اسلام آباد۔1مئی (اے پی پی): مزور آنی میاں اوستمانی 2021 ءِ موہ ءَ احساس ءِ چیر دستی ءَ مزور آنی احساس رپوٹ ءِ بنگیج ءِ واستہ یک ویبنار ءِ برجم دارگ بوت۔
ویبنار ءِ سروکی مزن وزیر ءِ ھاسیں کمکار برائے گریبی ءِ ھلاس کنوک ءُ چاگردی رکھینوک ڈاکٹر ثانیہ نشتر ءُ مزن وزیر ءِ ھاسیں کمکار برائے اورسیز پاکستانی اینڈ ہیومن ریسورس ڈویلپمنٹ سید ذولفقار بخاری ءَ کت۔ نوکیں جاڑی بوتگیں رپوٹ ءِ رد ءَ پاکستنان ءَ ھمک مزور باسک ءَ را چاگردی رکھینگ ءُ گہتریں زندمان ءِ پجاری المی انت۔ احساس ءِ چیر دستی ءَ ، ڈاکٹر ثانیہ نشتر ءَ سئے کسی انتظامی آنی وسیلگ ءَ ، احساس ویلفیئر ءُ سوشل پروٹیکشن ایکسپرٹ گورپ ( ایل ای جی) جوڑ کنگ بوتگ۔
ھاسیں کمکار ڈاکٹر ثانیہ نشتر ءَ گوشت کہ مئے پاکیں نبی صلی اللہ علیہ وسلم درستاں چہ پیش مزور آنی ھک آنی پھریزگ ءِ واستہ اوشتاتگ ، آئی ءَ مزور آنی ھید ءِ اُشک بوھگ ءَ پیسر آئی مزوری دیگ ءِ گوشتگ۔ ایم کے ای رپوٹ وتی جتائیں نمونگ ءِ اولی رپوٹ انت ایش حکومت ءَ را چاگردی رکھینگ ءِ نطام ءَ لس معیشت ءِ باسک آناں ھوار کنگ ءُ پاکستان ءَ اے نظام ءَ را جتائیں رنگ ءَ جوڑ کنگ ءِ سر ءَ دلگوش کنگ ءَ کمک کنت انت۔ بلدکار آنی پینل ءَ ٹوھیں کساس ءَ ایم کے ای رپوٹ ءِ ھوالگ ءَ سپارش آنی منظوری کت۔ ایم کے ای رپوٹ ءَ را https://www.pass.gov.pk/Document/Downloads/MKEF.pdf ءَ شما چارت کنئے۔
