اسلام آباد۔ 29اپریل (اے پی پی) صدر مملکت ڈاکٹر عارف علوی تون وزیراعظم نا سلاہکار پارلیمانی امور ڈاکٹر بابر اعوان پنچ شنبے نادے آ داڑے اوڑدہی کرے۔ اوڑدہی ٹی ڈاکٹر بابر اعوان صدر مملکت ءِ پارلیمانی امور نا بارواٹ حوال تس۔ صدر مملکت پارے کہ پارلیمنٹ نا ڈیجیٹیلائزیشن نا عمل آن پارلیمنٹ نا کارکڑد اٹی گچینی بریک۔ داوخت آ ڈاکٹر بابر اعوان پارلیمنٹ نا ڈیجیٹیلائزیشن اٹی ذاتی است خواہی ہلنگ آ صدر نا کڑد انا ستا ءِ کرے۔ اوپارے کہ سائبر لائخی تیان شپ پارلیمنٹ آن پارلیمانی امور ءِ زوت و زیات گچین وڑاٹ سرتننگ اٹ کمک رسینگک۔ ڈاکٹر بابر اعوان آن لائن وونٹنگ و گچین کاری اصلاحات نا عمل اٹ صدر مملکت نا کڑد انا سفت ءِ کرے۔ اوپارے کہ صدر مملکت پارلیمان نا بشخ انا حیثیت اٹ ہڑدے ئی باندات اٹی است خواہی ہلساکے۔
