اسلام آباد۔ 29اپریل(اے پی پی) بنجائی وزیر ریلوائی اعظم خان سواتی تون چین آن بروک آ ڈل اوڑدہی کرے۔ دااوڑدہی ٹی سی پیک ڈٹ انا بابت گپ وتران مس۔ اوڑدہی ٹی ریلوائی ءِ پوسکن آ وڑوڈول آتیا اتنگ و ایم ویل ون ڈٹ انا بابت تین پہ تینی امور آ ہم گپ وتران مس۔ ڈل باوری کرفسا پارے کہ ایم ایل ون اونا خڑک پاکستان نا اہم انگا ڈٹ ءِ۔ وزیر ریلوائی محمد اعظم خان سواتی پارے کہ پاکستان ریلوائی نا آخبت ایم ایل ون ڈٹ اتون گنڈوک ءِ۔ ایم ایل ون ڈٹ آن یک و نیم لکھ بندغ ءِ بالواسطہ و بلاواسطہ روزگار نا وارخواہی فراوان مریک۔ ہراڑآن ٹرین نا رفتار 160 کلومیٹر فی گھنٹہ مریک۔ لاہور آن کراچی سفر نا وخت ءُ پاس بیرہ 8 گھنٹہ مریک و وخت اس کہ راولپنڈی و لاہور بیرہ دونیم گھنٹہ۔ ملتان و لاہور 2 گھنٹہ۔ کراچی و راولپنڈی دہ گھنٹہ مریک۔ ٹریک نا ہڑتوم آ کنڈ فینسنگ مریک۔ غٹ پھاٹک آک چٹرہ۔ ایم ایل ون تون اوار اوار ایم ایل ٹو و کوئٹہ گوادر آ ہم کاریم کینہ۔ ننا ریل مچ آ پاکستان ءِ گنڈک۔ گوادر پورٹ ءِ پوسکن ءُ زند اس ایتک۔ پاکستان ریلوائی نا تاریخ اٹ اولیکو وار بزنس پلان اس پیش کننگا۔ 73 سال اٹی اوفتا ہچ ءُ بزنس پلان اس الوکہ۔ ریلوائی ہم ننا دورہ اٹی ML-1داڑآ خوری کرینے۔ ایم ایل ون نا بابت قوم ءِ مبارکبادی ایتیوہ، انشاء اللہ پورو مریک۔ پاکستان ریلوائی بڑزکو رفتار و بڑزکو پیلو ڈٹرین روزگار نا کنڈآن پوسکن آ پروگرام آ کاریم رکینے۔ پاکستان نا اوغانستان تون 2ریل لنک پروجیکٹ پراسس اٹی ءُ چمن آن سپن بولدک اسکان 11 کلومیٹر پاکستان نا دنگ اٹ ءِ وخت اس کہ سپین بولدک آن قندھار 130کلومیٹر ءِ۔ چمن آن سپین بولدک اسکان فزیبلٹی پورو ءِ و دانا پی سی ون ہم 2015ء ٹی منظور مسنے ہرانا خڑچ کم و ود 1.2بلین ءِ۔ پاکستان فزیبیلیٹی رپورٹ اوغانستان گورنم،نٹ تون شیئر کرے ولے اونا کنڈآن کاریم بناکتو اگہ اوغانستان سائیڈ داڑآ کاریم نا بناءِ کے تو نن تینا ٹریک ءِ اسہ سال انا وخت اٹی پورو کینہ۔
