اسلام آباد۔ 29اپریل (اے پی پی) حریت راہشون یاسین ملک نا اُرائی و پیس اینڈ کلچر آرگنائزیشن نا چیئرپرسن مشعال ملک پارینے کہ کورونا دین انا بند کشمیری حریت راہشون تا زند ءِ خطرہ ءِ۔ زندان اٹی درما ن تون اوار ہچ ءُ آسراتی اس اف، حریت راہشون تتون ہزار آ کشمیری ورناتے ہم دزگیر کننگانے۔ پنچ شنبے نادے آ تینا جاری بیان اٹی مشعال ملک پارے کہ یاسی ملک نا جان جوڑی ءِ بھاز خطرہ ءِ، زندان اٹی ہچ ءُ رکھی گام گیج اس اف، کورونا دین انا حالیت مقبوضہ کشمیر اٹی ہم نازرک ءِ۔ مشعال ملک پارے کہ تدوک آ دے کورونا مقبوضہ کشمیر اٹی 3 ہزار آن زیات کیس رپورٹ مس۔ بھارتی حصار اٹ مقبوضہ کشمیرا ٹی خطرناک دین آن کشمیری تا زند خطرہ ٹی ءِ، اقوام متحدہ کورونا دین ءِ مون آ تخسا کشمیر اٹی ہلہلہ ئی گام گیج کے۔
