اسلام آباد۔ 29اپریل (اے پی پی) محکمہ موسمیات نا رداٹ بروک آ 24 گھنٹہ ٹی دے انا وخت اٹی ملک انا گیشتر علاقہ غاتے ٹی موسم باسن و پِرکپک و داوخت آ بلوچستان، بڑزکو سندھ و خیبرپختونخوانا دیکی ضلع غاتے ٹی جزوی وڑاٹ جمری مننگ آن بیدس آندھی/ترند تہو و ہورہ و گروک اٹ پڑی پڑی پِرانا گمان ءِ۔ حوال نارداٹ تدوک آ 24گھنٹہ ٹی ملک انا گیشتر علاقہ غاتے ٹی موسم خشک و باسن وخت اس کہ سویلی پنجاب، سندھ و سویلی بلوچستان اٹی بھاز باسنی مسنے و خضدار اٹی 7، لیہ 3 و زیریں دیر اٹی اسہ ملی میٹر پِر ریکارڈ کننگانے۔
