خضدار۔ 29اپریل (اے پی پی) اسسٹنٹ کمشنر یوٹی بے نظیر انکم سپورٹ پروگرام/احساس پروگرام سینٹر نا دورہ ءِ کرے و السی غاوتا ازالہ ءِ کننگ کن سینٹر آ چاروکی کن لیویز کارندہ تعینات کرے۔ تدوک آ کیہی دے آن السی غاو ئس کہ انکم سپورٹ پروگرام نا پیسہ غاتیان کاٹ کننگک ہرانا نوٹس ءِ ہلسا ڈپٹی کمشنر خضدار ولی محمد بڑیچ نا پارت آ اسسٹنٹ کمشنر یوٹی محمد ابراہیم شاہ لیویز ڈسٹرکٹ انچارج علی اکبر قمبرانی تون اوار زیدی و خضدار سینٹر نا دورہ ءِ کرے و السی غاوتا ازالہ و اوفتا پت اکن ہر سینٹر آ لیویز کارندہ تعینات کرے ہراہموڑے چاروکی ءِ کرسا تینٹ کل ءِ پیسہ غاتے نیاڑی تے ایترہ۔ داوخت آ اسسٹنٹ کمشنرپارے کہ لیویز کارندہ تعینات کننگ آن پد داسہ الس ءِ غاو اس مفک وخت اس کہ زیات رش انا سوب آن خضدار اسٹیڈیم سینٹر آن بیدس پین اِرا مسہ سینٹر جوڑ کننگک تانکہ الس ءِ پیسہ ہلنگ اٹ آسانی مرے۔
