ساڑی حکومت سی پیک تون اوار توانائی ناڈٹ آتا زوت پوروی کن متاماری کننگ ءِ، حماد اظہر

اسلام آباد۔ 28اپریل (اے پی پی) بنجائی وزیر توانائی(پاور ڈویژن) حماد اظہر این ٹی ڈی سی و پاک مٹیاری۔ لاہور ٹرانسمیشن لین کمپنی نا نیام اٹ 660 کے وی ہائی وولٹیج ڈائریکٹ کرنٹ مٹیاری۔ لاہور ٹرانسمیشن لائن سی پیک ڈٹ انا معاہدہ ٹی ضمیمہ/ترمیم نا معاہدہ غا دستخط نا دود اٹی بشخ ہلک۔ دادود چارشنبے نادے آ پاور ڈویژن نا کانفرنس روم اٹی اڈ تننگا۔ ضمیمہ/ترمیم نا معاہدہ غا دستخط اقتصادی رابطہ کمیٹی (ای سی سی) نا منظوری آن پد کننگا۔ پوسکن آ ٹرانسمیشن سروس معاہدہ نا رداٹ ٹرانسمیشن لائن نا درکار کمرشل آپریشن تاریخ(آرسی او ڈی) ءِ یکم مارچ 2021ء آن یکم ستمبر 2021اسکان ودفنگانے۔ آپریشن و مین ٹیننس سروس ایگریمنٹ اٹ ہم اسہ پین ضمیمہ اس اوار کننگا۔ ودکی معاہدہ غاتیا دستخط نا نتیجہ ٹی بجلی صارف آتے فائدہ رسینگک۔