چمن نا علاقہ قلعہ عبداللہ ٹی پولیس ناگاڈی نا خڑک آ دھماکہ، اسہ کارندہ اس شہید، اِرابندغ ٹھپی

چمن۔28اپریل (اے پی پی) چمن نا علاقہ قلعہ عبداللہ ٹی پولیس نا گاڈی نا خڑک آ دھماکہ، اسہ کارندہ اس شہید، وخت اس کہ اسہ کارندہ اسے تون اوار اِرا بندغ ٹھپی مسر۔ پولیس کمامدارآتارداٹ چمن نا علاقہ قلعہ عبداللہ بازار اٹی پولیس نا گاڈی آ ہمووخت آ دھماکہ مس ہراتم پولیس نا گاڈی ہڑدے ئی گشت اٹی بازار آن گدرینگاکہ کہ موٹرسائیکل اٹ تخوک آ دھماکہ خیز مواد اسہ زوردار دھماکہ سے اٹ ترخا ہراٹی اسہ پولیس کارندہ حکمت اللہ شہید وخت اس کہ اسہ پین پولیس کارندہ محمد یوسف و اسہ کسری اس ٹھپی مسر۔ دھماکہ داخہ در ترند ئس کہ اوڑآن خڑک انا ماڑی تاشیشہ غاک پنار و اونا توار ءِ مرمراسکان بِننگا۔ دھماکہ ٹی پولیس نا گاڈی بھس مسنے اودے بھاز نسخان رسینگا دھماکہ غان پد سیکورٹی فورس آک علاقہ ءِ گھیڑ اٹی ہلکر و دھماکہ نا جاست وپاست نا بناءِ کننگانے۔ اسسٹنٹ کمشنر قلعہ عبداللہ دین محمد نا رداٹ دھماکہ ٹی پولیس نا گاڈی ءِ شست کننگانے و دادھماکہ ٹی اسہ پولیس کارندہ اس شہید وخت اس کہ ارٹ میکو ٹھپی مس وخت اس کہ اسہ کسری اس ٹھپی مس۔ دھماکہ ٹی ٹھپی پولیس کارندہ محمد یوسف نا حالیت نازرک پاننگ انگ ءِ۔