اسلام آباد۔ 27 اپریل (اے پی پی) بنجائی وزیر سائنس و ٹیکنالوجی شبلی فراز پاکستان اکیڈمی آف سائنسز(پی اے ایس) و سائنس دان تیا زور شاغانے کہ او صحت عامہ و گلوبل ہیلتھ سیکورٹی نا بابت غلط حوال آتا مقابلہ ء، کننگ کن تینا کڑد ءِ ادا کیر۔ سے شنبے نادے آ پاکستان اکیڈمی آف سائنسز(پی اے ایس) نا کنڈآن اڈ ہلوک اسہ ویبنار ورکشاپ اسے آن تران کرسا بنجائی وزیر پارے کہ حوالکاری نا فراوانی آن مخلوق ءِ دروغ یا ریفوک آ معلومداری تیٹی حقی و قابل پت حوالکاری تا پہچان مشکل مریک۔ اوپارے کہ شون ہلوک آ دنیا نا مقابلہ ٹی پاکستان ءِ چندی چیلنج مون تروک ءِ انتئے کہ اسہ کنڈآ ننے دینی مرض انا مون ءِ توروئی ءِ و ایلو کنڈآ نن ملک اٹ لاک ڈاؤن و مخلوق ءِ بین آن کہینگ ءِ سگنگ کپنہ۔ اوپارے کہ حالت آتے ٹی، ”سمارٹ لاک ڈاؤن“ نا حکومتی پالیسی سرسہبی اٹ کاریم کرسا کرے ودانا جہانی کہول آ ستاءِ کننگا۔ شبلی فراز راج انا چندی تپہ دُن کہ مذہبی راہشون، تعلیم نا چاہندار و سخی تے داحالیت آتون مون تننگ اٹ حکومت تون کم کننگ نا سفت ءِ کرے۔ اوپارے کہ دینی ناجوڑی نا برخلاف جہانی ردعمل نا تیاری کن غٹ آن اہم ویل ویکسین تا تیاری و اوفتے بشخنگ نا ئس۔ اوپارے کہ افریقہ ہم 2040اسکان تینا ویکسین نا پیدواری لائخی ءِ1 درسد آن ودفسا 60 درسد کننگ نا ڈٹ جوڑ کرینے۔ اوباوری کرفے کہ وزارت سائنس و ٹیکنالوجی پاکستان اٹی داوڑنا ہرکوشست نا ستاءِ کیک
