اسلام آباد۔ 27 اپریل (اے پی پی) بنجائی وزیر خزانہ و محصولات شوکت ترین فنانشل ایکشن ٹاسک فورس (فیٹف) ایکشن پلان نا غٹ ایریہ غاتے ٹی نمان پیش رفت آ است جمی نا درشانی ءِ کرسا پارینے کہ ایکشن پلان نا ایلو ٹک آتے وخت آ پورو کننگ کن کوشست آتے برجاتخنگک۔ اوداہیت ءِ سے شنبے نادے آ داڑے فنانشل مانیٹرنگ یونٹ(ایف ایم یو) نا کنڈآن فیٹف ایکشن پلان آ تروک آ حوال اٹی پارے۔ ایف ایم یو نا ڈائریکٹر جنرل لبنیٰ فاروق ملک وزیر خزانہ ءِ فنانشل ایکشن ٹاسک فورس (فیٹف) ایکشن پلان نا غٹ ایریہ غاتے ٹی نمان پیش رفت نا بابت حوال تس۔ اووزیر خزانہ ءِ منی لانڈرنگ و دہشت گردی کن مالی کمکاری نا چٹفنگ کن گچین جہانی وڑوڈول انا رداٹ جوڑ کروک آ کانود و گام گیج آتیان معلومدار کرے۔ اوپارے کہ فیٹف فروری 2020ء ٹی مروک آ پلینری دیوان اٹی پاکستان نا کارکڑدءِ امنا کرینے۔ بنجائی وزیر خزانہ و محصولات شوکت ترین فنانشل ایکشن ٹاسک فورس (فٹیف) ایکشن پلان نا غٹ ایریہ غاتے ٹی نمان پیش رفت آ است جمی نا درشانی ءِ کرے۔ اوایکشن نا پلان نا ایلو ٹک آتے وخت آ پورو کننگ کن کوشست آتے برجاتخنگ نا عزم انا درشانی ءِ کرے۔

متعلقہ مضامینمصنف کی طرف سے مزید