اسلام آباد۔ 27اپریل (اے پی پی) اینخو مالی سال اٹی پاکستان نا کرنٹ اکاؤنٹ سرپلس 959ملین ڈالر اسکان سرمس۔ اسٹیٹ بینک آف پاکستان (ایس بی پی) نا حساب وکتاب نا رداٹ جاری مالی سال اٹی جولائی آن مارچ 2020-21کن ملک انا کرنٹ اکاؤنٹ سرپلس 959ملین ڈالر ریکارڈ کننگانے وخت اس کہ تدوک آ مالی سال اٹی جولائی آن مارچ 2019-20ء ٹی پاکستان ءِ 4.1ارب ڈالر کرنٹ اکاؤنٹ نسخان مون تروک ئس۔ یات سلے کہ اسٹیٹ بینک آف پاکستان اینخو مالی سال انا ایسری آ جم قومی پیدوار(جی ڈی پی) نا مقابلہ ٹی کرنٹ اکاؤنٹ نسخان اسہ درسد آن کم مننگ نا گمان ظاہر کریسس۔
