اسلام آباد۔26اپریل (اے پی پی): ھال ءُ اھوالکاری ءِ بنجاھی وزیر چوہدری فواد حسین ءَ گوں پاکستان ءَ سعودی عرب ءِ سفیر نواف بن سعید المالکی ءَ گند ءُ نند کت ءُ سعودی ھالرسانکی ءِ وزیر ڈاکٹر مجید بن عبداللہ الکصابی ءِ نیمگ ءَ چہ سعودی عرب دعوت نامہ داتگ وتی دعوت نامہ ءِ تہ ءَ سعودی ھالرسانکی وزیر ءَ بنجاھی وزیر چوہدری فواد حسین ءِ ھاترا رمضان ءِ ماہ ءَ سعودی عرب ءِ تر ءُ تاب عمرہ کنگ ءُ مدینہ منورہ ءَ مسجد نبوی صلی اللہ علیہ وآلہ وسلم ءِ زیارت ءِ واھشت ءِ درشان کت ءُ گوشت اے تر ءُ تاب پہ دوئیں ملک آنی نیام ءَ میڈیا کمک ءَ را مھکم کنگ ءِ رھبند ءُ وسیلگ آنی سر ءَ ھیال ءُ لیکہ ءِ درشانی ءِ موہ دنت۔ بنجاھی وزیر چوہدری فواد حسین ءَ سعودی عرب ءِ تر ءُ تاب ءِ دعو ت قبول کت ءُ گوشت کہ زوت سعودی عرب ءِ تر ءُ تاب ءَ کن انت۔ دوءیں رھشون آں کویڈ-19 ءِ انوگیں جاور ھال ءُ اے ھوالگ ءَ یکے دومیگ ءِ تجروبت آں چہ سیت چست کنگ ءِ ھوالگ ءَ ھیال ءُ لیکہ ءِ درشانی کت۔ چوہدری فواد حسین ءَ را کورونا ءِ گر ءُ دار کنگ ءِ ھاترا پاکستان ءِ سمارٹ لاک ڈائون ءِ بابت ءَ سرپد کت۔ ءُ آئی ءَ گوشت مزن وزیر عمران خان ءِ پہ الس ءِ زندمان ءُ بزگر آنی روزگار پجارینگ ءِ ویژن پیلو بوتگ۔ آئی ءَ گوشتگ کہ حکومت الس ءَ را کورونا وائرس ءَ چہ رکھینگ ءِ ھاترا گیش گامگیج چست کنگ ءِ چست کتگ۔
