ملتان۔ 26اپریل (اے پی پی) وزیراعظم عمران خان اسہ دے ئی دورہ غا دوشنبے نادے آ خصوصی جہاز انا کمک اٹ ملتان آ سرمس۔ وزیراعظم ملتان اٹی اڈ کننگ نا وخت آ سویلی پنجاب سیکرٹری نا بنداو ءِ تخک و ملتان کن 30 ارب روپئی نا خصوصی شونداری پیکج نا پڑو ءِ کیک۔ سویلی پنجاب سیکرٹریٹ نا تفنگ آ مسہ ارب 54کروڑ روپئی خڑچ بریک۔ دا دود سرکٹ ہاؤس ملتان اٹی اڈ ہلیک وخت اس کہ وزیراعظم اسپورٹس گراؤنڈ اٹی بزغر کارڈ آتا جاری کننگ نا دود آن ہم تران کیک۔ وزارت عظمیٰ ءِ سنبھالنگ آن پد وزیراعظم عمران خان نا دا ملتان نا اولیکو دورہ ءِ۔ وزیراعظم نا بننگ آ سیکورٹی نا سخت بست وبند کننگانے وخت اس کہ سرکٹ ہاؤس و سپورٹس گراؤنڈ نا دامون ایمون نا علاقہ غاتے کن خصوصی ٹریفک پلان اس تیار کننگانے۔
