اسلام آباد۔ 26اپریل (اے پی پی) پاکستان مقبوضہ فلسطینی علاقہ غاتے ٹی اسرائیلی کوزہ گیر فورس آتا کنڈآن نمازی تے زیزاریفنگ، بے گناہ فلسطینی تا دزگیری و بنداوی انسانی حق انا خلاف ورزی تا سخت مذمت ءِ کرسا جہانی برادری آن خواست کرینے کہ او فلسطینی تا رکھ اکن دمدستی کارروائی کے۔ دوشنبے نادے آ ترجمان دفترخارجہ نا رداٹ پاکستان اسرائیلی کوزہ گیر فورس آتا کنڈآن مقبوضہ فلسطینی علاقہ غاتے ٹی نمازی تے زیزاریفنگ، دزگیری و انسانی حق انا خلاف ورزی تیا گڑتی نا درشانی ءِ کرینے وپارینے کہ روچہ مبارک نا مقدس تُو آن ہی دا غیر کانودی گام گیج آتے ٹی بھاز ودکی مسنے۔ ترجمان پارے کہ پاکستان اسرائیلی کوزہ گیر فورس آتا کنڈآن دا بیدادی کارروائی تا مذمت و جہانی برادری آن فسلطینی تا رکھ اکن دمدستی کارروائی نا خواست کرینے۔ اوپارے کہ پاکستان، فلسطینی الس نا حق خودارادیت نا حق و فلسطین نا ویل انا دوریاستی ایسری نا پورو مخ تفی ءِ کیک، ہرا ڈیہہ ٹی پائیدار امن کن المی ءِ۔
