اسلام آباد۔ 26اپریل (اے پی پی) 24گھنٹہ ٹی کورونا دین انا 4825کیس، 70 مرک رپورٹ، غٹ آن زیات مرک خیبرپختونخواٹی ریکارڈ کننگا۔ نیشنل کمانڈ اینڈ آپریشن سینٹر (این سی او سی) نا رداٹ بیست ءُ چار گھنٹہ ٹی 70بندغ کوویڈ۔ 19نا سوب آن دنیا ءِ الار، زیات مرک خیبرپختونخواٹی مسنے اوکان پد پنجاب نا نمبر ءِ۔ کورونا دین آن زوال کروک آ 70 بندغ آن 24 بندغ وینٹی لیٹر آتیا ئسر۔ 24گھنٹہ ٹی 4825بندغ آتا کورونا ٹیسٹ مثبت بسنے۔ این سی او سی مچ آ ملک اٹی وینٹی لیٹر آتا حساب وکتاب ءِ جاری کرسا پارینے کہ ملک انا چار بھلا شار گوجرانوالہ ٹی 81 درسد، لاہور 70 درسد، مردان 65درسد وخت اس کہ ملتان اٹی 62 درسد وینٹی لیٹر ءِ کاریم اٹ اتنگ انگ ءِ۔ گوجرانوالہ ٹی 85 درسد، پشاور اٹی 79 درسد، صوابی ٹی 75 درسد و سوات اٹی 68 درسد آکسیجن کٹ آتے کاریم اٹ اتنگ انگ ءِ۔ 26 اپریل اسکان مچ آ ملک اٹی فعال کورونا کیس آتا کچ 89 ہزار 219ءِ۔ این سی او سی نا رداٹ 25اپریل آ 50 ہزار 161کورونا ٹیسٹ کننگا۔ سندھ اٹی 16ہزار 983، پنجاب اٹی 19ہزار 445، خیبرپختونخواٹی 7 ہزار 709، اسلام آبا د اٹی 3725، بلوچستان اٹی 1036، گلگت بلتستان اٹی 333وخت اس کہ آزاد جموں کشمیر اٹی 975بندغ آتا کورونا ٹیسٹ کننگا۔ داتم اسکان پاکستان اٹی 6 لکھ 94 ہزار 46 بندغ کورونا دین آن دراخ جوڑ مسنو۔ داوخت آ بلوچستان و آزاد جموں و کشمیر اٹی اسہ ناجوڑ اس ہم وینٹی لیٹرآ اف۔ مچ آ ملک اٹی 570وینٹی لیٹر کاریم اٹی ءُ۔مچ آ ملک اٹی داتم اسکان 8 لکھ 452بندغ آتے ٹی کورونا دین انا تشخیص مس ہرافتے ٹی آزاد جموں کشمیر اٹی 16591، بلوچستان 21743، گلگت بلتستان 5258، اسلام آباد 73450، خیبرپختونخوا1لکھ 14ہزار 77، پنجاب اٹی 2 لکھ 90 ہزار 788وخت اس کہ سندھ اٹی 2 لکھ 78 ہزار 545بندغ اوار ءُ۔ داتم اسکان کورونا دین آن 17 ہزار 187بندغ آتا مرک مسنے۔ داوخت آ مچ آ ملک اٹی کورونا دین انا ناجوڑ آتے درکار آسراتی والا 634ہسپتال آتے ٹی 5810ناجوڑ درمان مننگ ءُ۔
