اسلام آباد۔ 26اپریل (اے پی پی) ناروے ٹی کاریم کروک آ پاکستانی خواری کش آتا ترسیلات زر اٹی برجامالی سال اٹی تدوک آ مالی سال انا ہندا مد انا مقابلہ ٹی 61.1درسد نا ودکی مسنے۔ اسٹیٹ بینک آف پاکستان نا حساب وکتاب نا رداٹ جولائی آن ہلیس مارچ 2021ء اسکان نا مد اٹی ناروے ٹی کاریم کروک آ پاکستانی خواری کش آک 78.7ملین ڈالر نا زرمبادلہ ملک آ مون تسر ہرا تدوک آ سال انا ہندا مد انا مقابلہ ٹی 61.1درسد زیات ءُ۔ تدوک آ مالی سال انا بنائی مسہ سہ ماہی ٹی ناروے ٹی رہینگوک آ پاکستانی کارندہ غاک 48.8ملین ڈالر نا زرمبادلہ ملک آ مون تسوسر۔ مارچ 2021ء ٹی ناروے ٹی کاریم کروک آ پاکستانی ورکرآک 9.4ملین ڈالر نا زمربادلہ مون تسر ہرا تدوک آ سال مارچ انا مقابلہ ٹی 113.63 درسد زیات ءُ۔ تدوک آ سال مارچ اٹی ناروے ٹی کاریم کروک آ پاکستانی خواری کش آک 4.4ملین ڈالر نا زرمبادلہ ملک آ مون تسوسر۔ ساڑی حکومت نا کنڈآن کانودی و بینکنگ ذریعہ اٹ ترسیلات زر انا است بڈی کن گام گیج و آسراتی تا فراوانی ٹی سمند رپار پاکستانی تا ترسیلات زر اٹی پدریسہ ودکی مننگ ءِ۔
