رپوٹ، اورنگزیب اسلم
اسلامی زانت ءُ زانت ءُ زانشت یک ءُ دگر ءُ یکوئی ءُ دوستی ءِ بے دروریں سبک ءَ دنت، ایشی ءَ چہ بنی آدم آنی یک ءُ دگر ءَ گیش شرپ ءُ یکوئی ودی بیت۔ کجام ھم چاگرد ءِ دیمروئی ءِ بن ھشت آئی توامیں تبک آںی واستہ یک رنگیں کد ءُ بالدی زند ءِ پجاری انت، ھاسیں رنگ ءَ ھما مردم کہ کودک ءُ بزگر انت ایشاناں دیمروئی کشک ءَ گوں وت ھمگام کنگ ءَ کم رسیت۔ پاکستانی تحریک انصاف ءِ استیں حکومت ءَ ریاست مدینہ ءِ اکس ءِ رد ءَ مزن وزیر عمران خان ءِ سروکی ءَ ملک ءَ نندوکیں بے کس ءُ بے وسیں تبک ءِ مردم آنی واستہ 10 نومبر 2018 ءَ شیلٹر ہوم (پناہ گاہ) پروجیکٹ ءِ بنیات ایر کت۔
مزن وزیر عمران خان ءَ اے منصوبگ ءِ بنگیج ءِ موہ ءَ گشتانک دیان ءَ گوشت کہ اے منصوبگ آئی ءِ حکومت ءِ اولی کار آنی تہ ءَ ھوار انت ، آئی ءَ گوشت کہ بزگریں تبک ءَ را پناہ گاہ پجاری کنگ یک سسا ءِ بوتگ ءُ پناہ گاہ آنی جوڑشت ریاست مدینہ ءِ نیمگ ءِ یک پکوئیں گام ات۔
آئی ءَ گوشت کہ ایشرا مسافر، مزور، بے گسیں مردم آنان شرپ مندیں نندگ جاہ بزاں گس ءِ پجاری کنگ ءِ گوما چاگردی دیمروئی منصوبگ نامینت۔ پاکستان ءَ 2017 ءَ مردم شماری ءِ رد ءَ ملک ءِ آباتی ءِ کساس 220 ملین انت ءُ ایشی اندر ءَ 20 ملین ءِ آباتی بے گسیں مردم آنی ایگ انت۔
اے رد ءَ شیلٹر ہومز منصوبگ چاگردی گہبود ءُ معاشرتی دیمروئی ءِ منصوبگ ءُ مزن وزیر عمران خان ءِ ریاست مدینہ ءُ گہبودی ریاست ءِ جوڑیشت ءِ سسا ءِ پیلوئی انت ایشی ءِ مول ءُ مراد گریب ءُ بزگر آناں آسراتی پجاری کنگ انت۔ ۔ اے وھد ءَ شہر لاہور ءَ 6 شیلٹر ہومز ایشانی تہ ءَ بھاٹی گیٹ، فروٹ مارکیٹ ، ریلوے اسٹیشن ، لاری اڈا، ٹھوکر نیاز بیگ ءُ گلبرگ ھوار انت۔
صوبائی وزیر برائے محکمہ سوشل ویلفیئر ءُ بیت المال پنجاپ یاور بخاری ءَ “اے پی پی ” ءَ گوں تران کنان ءَ گوشت کہ چاگرد ءِ ضلورت مندیں تبک ءِ کمک کنگ استیں حکومت ءِ اولی کار آںی تہ ءَ ھوار انت۔ آئی ءَ گوشت کہ مزن وزیر عمران خان ملک ءِ گہتری ءُ گہبود ءِ واستہ شپ ءُ روچ جھد ءُ کوشت کنگ ءَ انت۔ آئی ءَ گوشت کہ اے پناہ گاہ آنی جوڑشت ءِ مول ءُ مراد مسافر، بے گسیں مردم ءُ مزور آناں آسراتی پجاری کنگ انت۔
سوشل ویلفیئر اپسرگ بھاٹی گیٹ پناہ گاہ، عبدالرحمان ءَ گوشت کہ مئے کرا 142 مردم ءُ زالبول آنی واستہ 16 نندگ ءُ وپسگی بیڈز ءِ جاہ است انت۔ 7 ہال مردم آنی واستہ وھدیکہ 2 ہال زالبول آنی واستہ گیشینگ بوتگ۔ آءی ءَ گوشت کہ پناہ گاہ آنی اندر ءَ ایس ءُ پیز آنی پد ءُ رندی کنگ بیت۔ درستاں چہ پیش ادے نندوکیں مردم آنی جان سلامتی چار ءُ تپاسی گرگ بیت۔ پناہ گاہ ءِ اندر ءَ پترگ ءَ چہ پیش ماسک دیگ ءُ پر کنگ بیت۔ نمبر ءِ سر ءَ بیڈ جاڑی کنگ بیت۔ آئی ءَ گوشت کہ مزن وزیر عمران خان ءِ نیمگ ءَ توامیں شہر آنی واستہ نوکیں پاکستان ہائوسنگ ءِ ھم بنگیج کنگ بوتگ اے منصوبگ ءَ چہ شہر آناں پکوئیں رنگ ءَ وتی گس در جنگ ءَ کمک رسیت۔
لاہور ءِ یک پناہ گاہے ءَ نندوکیں کہروڑ پکا ءِ جامند حمزہ ءَ گوشت کہ آھوادا مزوری ءِ واستہ آتکگ ءُ شپ ءَ داتا دربار ءِ نزیک ءَ استیں پناہ گاہ ءَ شپ ءِ گوازینتگ، آئی ءَ گوشت کہ اے آسراتی باز الکاپ ءُ دل یکیمی انت۔ آئی ءَ گوشت کہ پاکستان بیت المال ءَ اے پناہ گاہ آنی تہ ءَ ساپ ءُ سلہ ئی باز ھیال داری ءِ انتظامی کتگ۔
پاکستان تحریک انصاف ءِ حکومت ءِ نیمگ ءَ چاگرد ءِ ضلورت مندیں ءُ بزگریں مردم آناں پناہ گاہ وڑیں بنیاتی آسراتی پکوئی ءَ یک جوانیں گامگیج ات ایش ھاسیں رنگ ءَ ھمزوریں مردم آنی گہبود ءِ بنی آدم دوستی ءُ واھگ آنی وسیلگ ءَ گہبودی ریاست ءِ سسا ءَ را پیلو کنگ ءَ کمکار سہرا بیت۔
