کورونا  سک باز بیم ناک انت، ایشی ءَ چہ رکھگ ءِ واستہ مارا درستاناں رکھینگی  رھبند ءُ ڈسپلین آناں وتی کنگ لوٹ ایت، صدر مملکت ڈاکٹر عارف علوی

اسلام آباد۔25اپریل  (اے پی پی):صدر مملکت ڈاکٹر عارف علوی  ءَ گوشت کہ کورونا  سک باز بیم ناک انت، ایشی ءَ رکھینگ ءِ واستہ مار درستاناں رکھینگی رھبند آناں وتی کنگ لوٹ ایت۔ وتی ٹویٹ ءَ صدر ءِ مملکت ءَ گوشت کہ کورونا  ھوپ  ءِ رکھگ ءِ واستہ تاں وھد ءِ ما ھک ءُ دل مہ باں گڈا پولیس ءِ نگرانی  سرجم بوت نہ کنت۔ آئی ءَ گوشت کہ مئے واجہ محمد مصطفیٰ  ﷺ  ءَ اے  امت ءَ را ڈسپلین سکھارینتگ،  من درستاں گوں دستبندی کنان کہ وتی گساں بہ ننداں، ماسک پر بکن اَنت ءُ دست بہ شود اَنت۔ صدر عارف علوی ءَ گوشت کہ  سکیں مجبوری ءَ  چہ وتی گساں در بکپ آں۔  رکھینگی رھبند آں الم وتی بکن انت ءُ دعا بکن ات گڈا اللہ پاک ضلور کمک کنت۔