اسلام آباد۔25اپریل (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ مزن وزیر عمران خان ءَ وتی سیاست ءِ بنیات مٹ ءُ بدلی ءِ جاک ءِ سر ءَ کتگ، آئی ءِ سسا بوتگ کہ یک نوکیں اسلامی گہبودی مملکت ءِ جوڑ بہ بیت، مرچی ھم تحریک انصاف مڈل کلاس ءُ لوئر مڈل کلاس ءِ درستاں چہ مستریں پارٹی انت، الس امیت کناں کہ اگاں انصاف دات کنت گڈا ایوک ءَ تحریک انصاف دات کنت۔ اے گپ آئی ءَ یک شمبے ءِ روچ ءَ پاکستان تحریک انصاف ءِ یوم تاسیس ءِ روچ ءِ درگت ءَ وتی ویڈیو کلوہ ءَ کت انت۔ آئی ءَ تران کنان ءَ گوشت کہ مرچی ھم تحریک انصاف مڈل کلاس ءُ لوئر مڈل کلاس ءِ درستاں چہ مستریں پارٹی انت، الس امیت کناں کہ اگاں انصاف دات کنت گڈا ایوک ءَ تحریک انصاف دات کنت۔
