اسلام آباد۔25اپریل (اے پی پی): وزارت ءِ تہی کار ءَ راجی رابطہ کمیٹی ءِ پیسلہ ءِ چیر دستی ءَ کویڈ-19 ءِ ھلاپ ءَ سول حکومت ءِ کمک ءِ واستہ پاکستانی ارد ءُ سول آرمڈ فورسز آنی پوسٹنگ ءِ نوٹیفیکیشن جاڑی کتگ۔ یک شمبے ءِ روچ ءَ وزیر ءِ تہی کار شیخ رشید احمد وتی ویڈیو کلوہ ءَ گوشت کہ 23 اپریل ءَ مزن وزیر عمران خان ءِ سروکی ءَ این سی او سی ءِ دیوان ءَ پیسلہ کنگ بوتگ کہ کورونا ءِ ھوالگ ءَ ایس او پیز آنی پد ءُ رند ءِ واستہ فوج ءِ ازمت در جنگ بنت۔ فوج سیلاپ، زمین چنڈ، ءُ ایندگر نمونگ ءِ ڈکال ءِ وھد ءَ ھمک مشکلیں جاور ھال آنی تہ ءَ ملک ءُ راج ءِ گوما ھمگام ءَ اوشتیت۔ اے جاور ھال آنی گوما گند ءُ نند ءِ واستہ گوانک جنگ ءِ پیسلہ بوتگ، یک شمبے ءِ روچ ءَ وزارت ءِ تہی کار ءَ اے نوٹفیکیشن جاڑی کتگ ایشی ءِ وسیلگ ءَ گلگت بلتستان، کشمیر ، خیبر پختوںخوا، پنجاپ ، بلوچستان ءُ اسلام آباد ءَ ضلورت ءِ رد ءَ ایس او پیز آنی پد ءُ رند ءِ ھاترا فوج ءَ چہ کمک گرگ بیت۔
