اسلام آباد۔24اپریل (اے پی پی): بنجاھی وزیر برائے منصوبگ بندی، دیمروئی ءُ گہتری کار اسد عمر ءَ گوشت کہ بھارت ءَ کورونا وائرس ءِ جاور ھال باز بیم ناک انت، مردم فٹ پاتھ آنی سر ءَ مرگ ءَ انت، سرجمیں کوشست کناں کہ پاکستان ءَ بھارت وڑیں جاور ھال مہ بنت، آکسیجن ءِ جیڈھ آنی گیش ءُ گیواری ءِ واستہ گیشاں چہ گیش کوشست کنگ ءَ آں، آکسیجن ءِ ھوالگ ءَ گنجاشک سرجم کنگ ءَ انت تانکہ جیڈھ مہ بنت، آکسیجن درآمد کنگ ءِ ھوالگ ءَ ھم مرچی این سی او سی ءَ تران بوت، کورونا ویکسین ءِ سیت لستیں ماہ ءَ چہ پد گندگ بنت، ایس او پیز آنی پد ءُ رندی کنان ءَ زوت سیت در جنگ بوت کنت، بد بھتی ءَ پیپلز پارٹی ھوپ ءِ سر ءِ سیاست کنگ ءَ انت، بلاول بھٹو زرداری الس ءَ را ویکیسن پجاری کت نہ کنت گڈا ایشانی ٹپ آنی سر ءَ واد پر مہ ریچ ایت۔ شمبے روچ ءَ جندی ٹی وتی چینل ءَ گوں تران کنان ءَ آئی ءَ گوشت کہ این سی او سی ءَ ھمک روچ ءِ بنیات ءَ کورونا جاور ھال آنی سر ءَ چار ءُ تپاسی ءَ چہ پد پیسلہ کنگ بیت۔
