اسلام آباد۔25اپریل (اے پی پی): وزیر ءِ درئی کار مخدوم شاہ محمود قریشی ءَ گوشت کہ پاکستان ، ترکی ءُ اوگانستان ” سئے پریکی انگیجمنٹ” آناں جاڑی دار آں۔ اوگان وزیر ءِ درئی کار ءِ گوما کسانوکیں جرائم ءَ گوں دست مانجنی ءَ اوگانستان ءَ جیلیں کیزی ” پاکستانی کیزی” آنی یلوئی ءِ بابت ءَ تران کنت۔ یک شمبے ءَ ترکی ءِ دور ءُ گستائیں دمگ آنی ھوالگ ءَ ویڈیو کلوہ ءَ وزیر ءِ درئی کار ءَ گوشت کہ منی ترک وزیر ءِ درئی کار میولوت چاوش او غلو ءِ داتگیں دعوت ءِ پد ءَ ترکی ءِ دو روچی تر ءُ تاب ءَ استنبول ءَ آیگ بوت تانکہ ترکی ءِ میزبانی ءَ برجمیں “استنبول کانفرنس” ءَ بھر زوری کت بکن آں، ایشی ءِ گوما سئے باسکی وزیر ءِ درئی کار دیوانے ھم ایر کنگ بوت ایشی ءِ توک ءَ پاکستان، اوگانستان ءُ ترکی ءِ وزیر ءَ را بھر زوری کنگی ات۔ کورونا ھوپ ءِ چپ ءُ چوٹیں جاور ھال آں ابید، اوگانستان ءِ جیڈھ ءِ ارزشت ءِ رد ءَ اے المی پھمگ بوت کہ اے کانفرنس ءِ برجائی بہ بیتت، بد بھتی ءَ چہ استنبول کانفرنس طالبان ءِ بھر زوری نہ کنگ ءِ پد ءَ برجم بوت نہ کت چوشکہ اے کانفرنس ءَ را مھتل دارگ بوت۔ آئی ءَ گوشت کہ من شگر ءُ منت وار آں کہ اوگان وزیر ءِ درئی کار محمد حنیف آتمر ءِ آئی ءَ منا اے جیڈھ ءِ پازیٹیو رند پد ءُ ھمک رنگیں کمک آنی دل یکیمی کنائینت۔ من استنبول ءَ ھندی ءُ میاں اوستمانی میڈیا ءَ گوں تران کنگ ءِ موہ رستگ، ایشی ءَ ابید من اے پڑے جاور ھال ، ہندوستان ءِ جاور ھال ، اوگان ایمنی کار، اوگانستان ءِ نوک سر جوڑیشت، بازیں دمگی ءُ میاں اوستمانی کار آنی سر ءَ پاکستان ءِ لیکہ ءَ را پیش کت۔
