اسلام آباد۔24اپریل (اے پی پی):ترجمان درئی کارانی کارگس ءَ نیویارک ءَ پاکستان ءَ چہ لڈ ءُ بار کنوکیں امریکی نودربر ءِ سر ءَ تیزاب پر ریچگ ءِ واکیہ ءِ ھوالگ ءَ درشان کنان ءَ آئی ءَ گوشت کہ نیویارک ءَ پاکستانی قونصل جنرل آماچیں ھاندان ءَ گوں رابطہ ءِ توک ءَ انت ایشاناں ھمک رنگیں کمک پجاری کنگ بیت۔ شمبے ءِ روچ ءَ میڈیا ءَ یک جستے ءِ پسو ءَ آئی ءَ گوشت کہ پاکستان ءَ چہ لڈ ءُ بار کنوکیں امریکی نودربر نافیہ لانگ آئلینڈ ءَ وتی وتی مات ءُ پت آنی گوما نشتگ۔ ھندی پولیس ءَ واکیہ ءِ پٹ ءُ پول ءِ واستہ 12 باسکی ٹیمب ءِ جوٹ کتگ۔ ما اے کرائم ءِ رپوٹ ءِ ودار ءَ آں، کہ کجام مول ءُ مراد آنی ھاترا واکیہ بوتگ۔ آئی ءَ گوشت کہ واشنگٹن ڈی سی ءَ مئے سفارت خانہ ءُ نیویارک ءَ قونصل خانہ اے رد ءَ دیمروئی کار آنی سر ءَ چار ءُ تپاسی گپت ءُ گس ءِ مردم آناں ھمک رنگیں کمک پجاری کنت۔
