کراچی۔24اپریل (اے پی پی):صدر مملکت ڈاکٹر عارف علوی ءِ سروکی ءَ گورنر گس کراچی ءَ کورونا ءِ سیمی فیز ءُ رکھینگی رھبند آنی پد ءُ رند ءِ ھوالگ ءَ مزن تکی دیوان ءِ برجم دارگ بوت۔ شمبے ءِ روچ ءَ گورنر گس ءِ نیمگ ءَ جاڑی بوتگیں جار ء، رد ءَ دیوان ءَ گورنر سندھ عمران اسماعیل، بنجاھی وزیر اسد عمر، علی حیدر زیدی، سینیٹر سیف اللہ ابڑو، راجی اسمبلی ءِ باسک جے پرکاش، صوبائی اسمبلی ءِ باسک فردوس شمیم نقوی، خرم شیر زمان ، حلیم عادل شیخ ءُ بلال غفار ءَ ھوار ایندگر ھم ساڑی اتنت۔ دیوان ءَ بنجاھی وزیر برائے منصوبگ بندی، دیمروئی ءُ ھاسیں گامگیج اسد عمر ءَ صدر ءِ مملکت ءَ را کورونا وائرس ءِ سیمی فیز ءِ شنگ ءُ تالانی ، رکھینگی رھبند آنی واستہ حکومت ءِ چست کتگیں گامگیج ءُ ویکیسین درآمد کنگ ءِ واستہ سرجمیں بریفنگ دات۔ اے ساھت ءَ صدر پاکستان ڈاکٹر عارف علوی ءَ الس ءَ گوں دستبندی کت کہ مردم رکھینگی رھبند آناں پد ءُ رند بکن انت۔
