اسلام آباد۔24اپریل (اے پی پی):نینشل کمانڈ اینڈ آپریشن سینٹر ( این سی او سی) ءِ سروک بنجاھی وزیر برائے منصوبگ بندی اسد عمر ءَ بھارت ءِ ویڈیو شئیر کنان ءَ الس ءَ را مکن کتگ۔ وتی ٹویٹ ءَ اسد عمر ءَ گوشت کہ ھمساھگیں ملک آنی جاور آں چہ کمو بہ ھیل بکن ات۔ اے جاور پاکستان ءَ ھم بوت کن انت۔ آئی ءَ گوشت کہ بھارت ءَ یک روچے ءِ اندر ءَ 3 لکھ 45 ہزار کیس سہرا بوتگ۔ بھارت ءَ یک روچے ءِ اندر ءَ 2621 مردم بیران بوتگ انت۔ اگاں ما رکھینگی رھبند آں وتی مکن آں گڈا انچیں جاور ھال پاکستان ءَ ھم بوت کن انت۔ وتی ءُ وتی دوست آنی ھاترا رکھینگی رھبند آں وتی بکن ات۔
