استنبول۔23اپریل (اے پی پی): وزیر ءِ درئی کار مخدوم شاہ محمود قریشی ، تک ھمکار میولود چاوش اوغلو ءِ داتگیں دعوت ءِ پد ءَ آدینگ ءِ روچ ءَ ترکی ءَ پج ات۔ استنبول ائیر پورٹ ءَ ڈپٹی گورنر استنبول کمال عبان، ترکی ءَ پوسٹیں پاکستانی سفیر سائرس قاضی ءُ سفارتخانہ ءِ کلانہ ایں اپسرگ آں وزیر ءِ درئی کار ءَ را وش اتک کت۔ وزیر ءِ درئی کار ترکی ءِ تر ءُ تاب ءِ ساھت ءَ ، ترک صدر رجب طیب اردگان ءَ گوں گند ءُ نند کنگ ءِ امیت انت وھدیکہ وزیر ءِ درئی ءَ وتی ترک ھمکار میولود چاوش اوغلو ءِ گوما گند ءُ نند کنت۔ اے گند ءُ نند ءَ دو نیمگی یکوئی، معاشی، دود ءُ ربیدگی کمک آنی دیمروئی ءِ سر ءَ ھیال ریچی کنگ بیت۔ وزیر ءِ درئی کار ترکی ءَ برجم داشتگیں سئے باسکی دیوان ءَ بھر ءُ زوری کنت انت۔
