اسلام آباد۔23اپریل (اے پی پی): مزن وزیر عمران خان مرچی مری ءَ یک روچی تر ءُ تاب ءِ کنت۔ مزن وزیر کارگس ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر مری ءَ کوہسار یونیورسٹی ءُ ٹی بی ءِ مریض آنی واستہ دار لشفا ءِ اپ گریڈیشن ءِ منصوبگ آنی بنگیج ءَ کنت۔ مزن وزیر مری ءِ تر ءُ تاب ءِ ساھت ءَ احساس سکالر شپس ءُ کامیات جوان پروگرام آنی چیر دستی ءَ بزگر آناں چیک بھر ءُ بانگ کنت۔ پنجاپ ہائوس مری کوہسار یونیورسٹی ءِ بھر بیت، ایشرا فائیو سٹار آسراتی پجاری کنگ بیت، ادا ٹریننگ لیب جوڑ کنگ بیت۔ کوہسار یونیورسٹی مری سیل ءُ سواد ءِ واستہ یک ارزشتی ایں گام ءِ بیت۔ ادا آرٹس ، ہوٹل منیجمنٹ، سائنس ءُ ٹریول و ٹورازم ءِ شوبگ بنت۔ کوہسار یونیورسٹی ءِ سیل ءُ سواد ءِ میاں اوستمانی کد ءُ بالادی یونیورسٹی ءِ وڑ ءَ بیت۔
